Meghaduta p295

p295

hārāniti | yasyāṃ viśālāyām | koṭiśaḥ | vipaṇiṣu paṇyavīthikāsu | 'vipaṇiḥ paṇyavīthikā' ityamaraḥ | racitān prasāritān | idaṃ viśeṣaṇaṃ yathāliṅgaṃ sarvatra saṃvadhyate | tārān śuddhān | 'tāro muktādisaṃśuddhau taraṇe śuddhamauktike' iti viśvaḥ | taralaguṭikān madhyamaṇībhūtamahāratnān | 'taralo hāramadhyagaḥ' ityamaraḥ | 'piṇḍe maṇau mahāratne guṭikā caddhapārade' iti śabdārṇave | hārān muktāvalīḥ | tathā koṭiśaḥ śaṅkhāṃśca śuktīśca muktāsphoṭāṃśca | 'muktāsphoṭaḥ striyāṃ śuktiḥ śaṅkhaḥ syātkamburastriyau' ityamaraḥ | śaṣpaṃ bālatṛṇaṃ tadvacchayāmān | 'śaṣpaṃ bālatṛṇaṃ ghāso yavasaṃ tṛṇamarjunam' ityamaraḥ | unmayūkhaprarohān udgataraśmyaṅkurān | marakatamaṇīn gāruḍaratnāni | tathā vidrumāṇāṃ bhaṅgān pravālakhaṇḍāṃśca | dṛṣṭvā | salilanidhayaḥ samudrāḥ | toyamātramavaśeṣo yeṣāṃ te tādṛśāḥ | saṃlakṣyante tathānumīyanta ityarthaḥ | ratnākarādapyatiricyate ratnasaṃpanniriti bhāvaḥ ||