Meghaduta p72

p72

vindhyamatikramya mārgavaśādanyāṃśca parvatān vilaṅghya vrajataste daśārṇā nāma janapadāḥ pathi bhaviṣyanti; teṣāṃ ca tvadāsattau kācidīdṛśī daśā samudeṣyatītyāha—pāṇḍucchāyetyādi | vṛttiḥ kaṇṭakiviṭapinirmitaṃ samantataḥ prākārasamākāramāvaraṇam | 'prāntato vṛttiḥ' ityamaraḥ | ketakaiḥ ketakīkusumaiḥ | sūcibhinnaiḥ sūciḥ śastraviśeṣaḥ, sūcivattīkṣṇatayā dalāgrāṇyatra sūcaya ityucyante, sūcimātreṇa vikasitaiḥ, anatipākādadalitadalasaṃpuṭairityarthaḥ | nīḍārambhaiḥ kulāyanirmāṇopakramaiḥ | 'kulāyo nīḍamastriyām' ityamaraḥ | gṛhabalibhujāṃ bhavaneṣu saṃcaratāṃ kākānām | 'vāyase karaṭāriṣṭabalipuṣṭasakatprajāḥ' ityamaraḥ | athavā caṭakānām | 'gṛhabalibhuṅnīlakaṇṭhaśca