Alivilasisamlapa 8.65
Alivilāsisaṃlāpa 8.65
- Language
- Sanskrit
8.65
vargadvandve 'pi pravṛtteḥ samatvāddhetau prāmāṇyaṃ pramātvañca buddhau
vijñāyete jñānaniṣpattiqāle, sā dhīḥ satyā ''stāṃ mṛṣā vā 'nyadetat
doṣāśaṅkī jñānaniṣpattiqāle tūṣṇīṃ tiṣṭhan tatparīkṣāṃ vidhatte
taṃ niścinvan bhrāntito vastuto vā jñātaṃ vastūpekṣate prekṣyakārī
jñāne jāte tadgataṃ tu pramātvaṃ prāmāṇyaṃ caitasya hetau tadaiva
doṣābhāve jāyate, tasya sattve bhrāntitvāprāmāṇyayogastayoḥ syāt
yastvajñātaṃ doṣamutprekṣamāṇastasyābhāvaṃ niścikīṣurna kuryāt
kiṃ citkāryaṃ tatparīkṣakakāryaḥ sa prāptavyaṃ nāpnuyānnityaśaṅko