Gita Govinda 19
Rasikapriyā 19
- Language
- Sanskrit
19.1
idānīṃ vipralabdhāyāstasyāṃ vidhuratvaṃ kathayati—prasaratīti | sā rādhā uccaiḥ paritāpaṃ cakāra khedaṃ cakāra | kathaṃ yathā bhavati | viracitavividhālāpaṃ yathā syāttathā | kiṃbhūtā sā | atiśayavidhurā | kva sati | śaśadharabimbe prasarati sati | udgacchati sati | mādhave ca kṛtavilambe sati | ‘prekṣya dūtīṃ svayaṃ dattvā niketaṃ nāgataḥ priyaḥ | yasyāstena
19.2
nṛpaḥ kumbhakarṇaḥ śrutaṃ vācidhatte manodhīśvarāsevane sannidhatte | hṛdīśaṃ paraṃ vāsudevaṃ nidhatte varaṃ gītagovinda gānaṃ vidhatte || idānīṃ māninīmānakhaṇḍanākhaṇḍamaṇḍalaṃ candrodayaṃ varṇayannāha—atrāntara iti | atrāntare etasminnavasare indurvṛndāvanantaramaṃśudīparaidīpayatprakāśitavān | kiṃviśiṣṭaḥ | sphuṭalāñchanaśrīḥ sphuṭakalaṅkaśobhaḥ | utprekṣate | kulaṭākulavartmaghātasaṃjātapātaka iva | anyo'pi yaḥ kaścana yasya kasyacana mārgaghātaṃ karoti sa kalaṅkī bhavatyeva | kiṃbhūta induḥ | diksundarīvadanaśrīkhaṇḍatilaka iva | vasantatilakā | atra rūpakotprekṣe alaṃkṛtī |
Linked texts (1)
- Gītagovinda — Jayadeva, Sanskrit