Gita Govinda 19.2

Rasikapriyā 19.2

Language: Sanskrit

19.2

nṛpaḥ kumbhakarṇaḥ śrutaṃ vācidhatte manodhīśvarāsevane sannidhatte | hṛdīśaṃ paraṃ vāsudevaṃ nidhatte varaṃ gītagovinda gānaṃ vidhatte || idānīṃ māninīmānakhaṇḍanākhaṇḍamaṇḍalaṃ candrodayaṃ varṇayannāha—atrāntara iti | atrāntare etasminnavasare indurvṛndāvanantaramaṃśudīparaidīpayatprakāśitavān | kiṃviśiṣṭaḥ | sphuṭalāñchanaśrīḥ sphuṭakalaṅkaśobhaḥ | utprekṣate | kulaṭākulavartmaghātasaṃjātapātaka iva | anyo'pi yaḥ kaścana yasya kasyacana mārgaghātaṃ karoti sa kalaṅkī bhavatyeva | kiṃbhūta induḥ | diksundarīvadanaśrīkhaṇḍatilaka iva | vasantatilakā | atra rūpakotprekṣe alaṃkṛtī |

Previous: 19.1
Next: 20.1
Up: 19

Linked texts (1)

Gītagovinda — Jayadeva, Sanskrit