Gita Govinda 25
Rasikapriyā 25
- Language
- Sanskrit
25.2
yojitā dhātuvareṇa bhaṇata rasaratāḥ |
8 || idānīṃ khaṇḍitāpi prauḍhatvamālambya tamadhikṣipati—tavedamiti | he kitava, tvadāloko'dya mama śokādapi kimapi adhikatarāṃ lajjāṃ janayati | tvaddarśanena śokaṃ parākṛtya lajjaivādhikābhūt | tatra pūrve śoke kāraṇamāha—prakhyātasya jagadviditasya snehātiśayabhaṅgena | ato lajjāṃ prati hetugarbhaṃ viśeṣaṇamāha | kiṃbhūtāyā mama | tavedaṃ hṛdayaṃ paśyantyāḥ | kiṃbhūtaṃ hṛdayam | priyāyāḥ yāvakakarburitam | ata evāruṇadyoti aruṇasya dyota iva dyoto vidyate yasya tattathā | aruṇavatsandhyārāgavaddyotanaśīlaṃ vā | utprekṣate | bahiḥ prasaradanurāgamiva | bahiḥ prasarannalaktakavyājena tadanurāgo yasmin | bahumānapuraḥsaramupabhogayogyasya kaustubhasya preṣyāpādāhatirlajjādhikye hetuḥ | tava preṣyopabhoge lajjāpi nāstīti vyaṅgyam | atra śikhariṇīvṛttam |
idānīṃ sargānte maṅgalācaraṇāśiṣamāha—antarmohaneti | kaṃsāreḥ śrīkṛṣṇasya vaṃśīravaḥ pāvikādhvaniḥ vo yuṣmākaṃ śreyāṃsi vipolayatu vipulīkarotu | kiṃbhūto vaṃśīravaḥ | dṛpyaddānavadūyamānadiviṣaddurvāraduḥkhāmadāṃ bhraṃśo dṛpyadbhirdānavairdūyamānā ye diviṣadasteṣāṃ duḥkhāpadāṃ bhraṃśahetutvādbhraṃśaḥ | punaḥ kiṃbhūtaḥ | kuraṅgīdṛśāmantarmohanamaulighūrṇanacalanmandāravibhraṃśanastambhākarṣaṇadṛṣṭiharṣaṇamahāmantraḥ | antarmohanetyādidṛṣṭipadānto dvandvaḥ | teṣāṃ saṃharṣo yogaḥ tatra mahāmantra iva | antarmohanaṃ manomohanam | anena mohanaṃ maulighūrṇa-
25.3
namiti vaśīkāraḥ| vaśīkṛtā hi devatāḥ sādhu sādhviti śirodhūnanena praśaṃsanti | calanti yāni mandārakusumāni teṣāṃ bhraṃsanam | etāvatā māraṇamuddiṣṭam | māraṇe hi kusumatrajāṃ bhraṃśo jāyate | stambhākarṣaṇaṃ siddham | dṛsirbādhā | uccāṭanamiti yāvat | eteṣāṃ yogaḥ | etāvatā vaṃśīravasya mṛgīdṛśāṃ saṃbandhi ṣaṭkarmasādhanamahāmantratvamuktam | vaṃśaṃ śrutvā mṛgīdṛśastāṃ tāmavasthāṃ prāpnuvantītyarthaḥ |
udyannaṣṭakulācalapratinidhiḥ kīrtivrajāpūritāṣṭāśo'ṣṭadruhiṇaśrutipratihatiprakrāntabherīravaḥ | sphūrjacchauryajitāṣṭadikpatirasau śrīkṛṣṇakarṇo vyadhātsargasyāṣṭamitasya cāruvivṛtiṃ bhakto'ṣṭamūrtterimām || iti śrīrasikapriyānāmni śrīgītagovindavivaraṇe mlecchavanīdāvānalamahārājaśrīkumbhakarṇaviracite'ṣṭamaḥ sargaḥ ||
Linked texts (1)
- Gītagovinda — Jayadeva, Sanskrit