Gita Govinda 11.5.2
Śrutirañjanī 11.5.2
- Language
- Sanskrit
11.5.2
dahatīti || he sakhi, rādhe, tava virahe vanamālī śiśiramayūkhe candramasi | dahati tāpaṃ janayati sati | maraṇaṃ anukaroti mṛtakalpo bhavatītyarthaḥ | tapatīti kvacitpāṭhaḥ | sa tu sugamaḥ | tava virahasamaye madanaviśikhe pañcaśaraśarajāle | viśikhe iti jātāvekavacanam | patati sati praviṣṭe sati | athavā ekatvaṃ vivakṣitam | ekasmin patati sati kimuta anekeṣu patatsu satsu iti bhāvaḥ | vilapati hatā'smīti pralapati | 'na kevalaṃ svayaṃ pralapati apitu vikalākaroti | tatratyāniti² śeṣaḥ | svavilāpena tatratyān vikalacittān karotītyarthaḥ | anena tasyāvasthānugrāhyatā sūcitā | ataḥ 'abhūtatadbhāva³, ityādinā 'cvi' pratyayaḥ | 'asya cvau⁴ 'vitīkāraḥ | ccāviti dīrghaśca | padadvayametat | ‘gatirudāttamaulije’ti bhāṣyakāreṇa samāsaniyamāt | evaṃ prabhavartātyādāvapi ūhanīyam | udāttatvaṃ yatkiñcidādi prayoge jñātavyam | manasi bahu dhunotīti ca pāṭhaḥ |
Linked texts (1)
- Gītagovinda — Jayadeva, Sanskrit