Gita Govinda 22.3

Commentary of Mānāṅka 22.3

Language: Sanskrit

22.3

he mugdhe avivekini| vidhehi kuru| kāni| nirdayadantadaṃśadorvallivandhaniviḍastanapīḍanāni| dantairdaṃśanam, dorvallibhyāṃ bandhaḥ bāhudvayabandhaḥ bāhudvayabandhanam, niviḍaṃ nirbharaṃ gāḍhaṃ yathā syāttathā stanābhyāṃ pīḍanam avagāhanaṃ bādhanam, dantadaṃśaśca dorvallibandhaśca niviḍastanapīḍanaṃ ca| nirdayaṃ dayārahitaṃ yathā bhavati tathā dantadaṃśadorvallibandhaniviḍastanapīḍanāni| kimiti karavāṇi tatrāha| he caṇḍi atyantakopini| tvameva ⁶madaṃ krodhaṃ muñca| dantadaṃśādinā kiṃ phalam| tadāha| mamāsavaḥ prāṇāḥ prayāntu| gacchantu| kasmāt| pañcabāṇacaṇḍālakāṇḍadalanāt pañca bāṇā yasya sa pañcabāṇo madanaḥ, sa eva caṇḍālo nirdayatvāt, tasya kāṇḍaṃ bāṇaḥ tasya dalanaṃ bhedanaṃ tasmāt|
vyathayatītyādi|

Previous: 22.2
Next: 22.4
Up: 22

Linked texts (1)

Gītagovinda — Jayadeva, Sanskrit