Gita Govinda 36.2

36.2

anupadaṃ nigadito madhuripoḥ kṛṣṇasya moda ānando yatra tādṛśam |
8 || pratyūha iti | tayo rādhāmādhavayoḥ sa lokottaro lalitārambho lalito manohara ārambho yasyaitādṛśaḥ śṛṅgārakrīḍāviśeṣa udbhūta udbhaṭaḥ priyaṃbhāvuko babhūva priyo babhūva | sa ka ityata āha-pratyūha ityādi | yasmim̐llalitārambhe nibiḍāśleṣe kartavye pulakāṅkureṇa romāñcodgamena pratyūho vighno'bhūt | athaca krīḍākūtavilokite krīḍāsu yadākūtapūrvakamabhiprāyapūrvakaṃ vilokitaṃ tatra nimeṣeṇa netraspandanena pratyūho'bhūt | atha ca adharasudhāpāne'dharāmṛtapāne kartavye kathānarmabhiḥ rahaḥkathākautukaiḥ pratyūho'bhūt | atha ca manmathayuddhe surate ānandādhigamena ānandaprāptyā pratyūho'bhūt |
dorbhyāmiti-dorbhyāṃ bāhubhyāmarthādrādhayā saṃyamito baddhaḥ | atha ca tayaiva payodharabhareṇa pīḍitaḥ | atha ca