Gita Govinda 38

38.1

madhumathaneti | he devi, he gaṅge, tubhyaṃ namaḥ | ādare dviruktiḥ | he alakanande, tvaṃ nikhilaṃ samagramaghaṃ pātakaṃ hara nāśaya | madhumathanasya śrīkṛṣṇasya yā mūrtayastāsāṃ varā śreṣṭhā tasyāḥ saṃbuddhau he madhumathanamūrtivare, tvaṃ bahuvāri atijalaṃ vahasi | suṣṭhu uttamāstaraṅgā yasyāstasyāḥ saṃbuddhau | he brahmajalapātrakṛtasaṅge tvaṃ haricaraṇanakhairbhiduraṃ bhinnaṃ yajjagato'ṇḍaṃ brahmāṇḍaṃ tasmānnirgatāsi prakaṭitāsi |
tvamasīti | he saptarṣikulasya sukṛtaṃ puṇyaṃ tasya sāre sārabhūte | kanakagirirmerurlaṅghita ullaṅghito yayā | tasyāḥ saṃbuddhau he kanakagirilaṅghite | he sakalaiḥ samastairmunibhirvandite | he haramukuṭasya sitakusumānāṃ śvetapuṣpāṇāṃ māle mālābhūte | tvaṃ janānāṃ viśveṣāṃ pāvinī pavitrakartrī asi | punaḥ kīdṛśi | catvāraśca te udadhayaśca tānpratigacchati sā caturudadhigāminī asi |
3||