Krishnagiti 2.332
Kṛṣṇagīti 2.332
- Language
- Sanskrit
2.332
tvattātò'labdha bodhaṃ kalaharatamunerdvārakaikādhivāsānnaṣṭaprāye'tha sāmbādyavinayajanitādbrahmaśāpādyadūnām
sainye bhūbhārabhūte svapadajigamiṣuṃ tvāṃ viditvā kṛtārthaṃ
viśleṣāttyūrddhavo'bhāṣata tamapi bhavān bhaktalokaikabandho
2.332.p1
sāmantamallaharirāgeṇa gīyate
ekatāḷena vādyate
svakulaṃ murahara sakalaṃ hṛtavān
svapadaṃ sapadi gabhī kimuta bhavān
muniśāpamimaṃ mudamupagatavān
vibhurapi yadihājita na vihṛtavān
pallavam
yaduvaranayanoddhava mama tāvanmānasamiha sumahattitatāpaṃ
2.332.p2
[ yadu ]
2.332.p3
upanaya nijapadamapi janametaṃ
murahara nirupamabhāvasametaṃ
kṣaṇamapi virahaṃ tava mama ceto
na tu bata sahate yadukulaketo
2.332.p4
[ yadu ]
2.332.p5
mama tāvadidaṃ bhavatābhihitaṃ
priyasakha hṛdaye paramabhilaṣitaṃ
api vibudhatateradhunā niyataṃ
mama nijapadagatamevānumataṃ
2.332.p6
[ yadu ]
2.332.p7
muniśāpoditakalahamanūnaṃ
kulamapi maṅkṣu vinaṅkṣyati nūnaṃ
svajane vijahatprema vimarśī
mayi kṛtamatiriha cara samadarśī
2.332.p8
[ yadu ]