Arjuna and the Hunter 1.15

Ghaṇṭāpatha 1.15

Language: Sanskrit

1.15

anāratamiti | tena rājñā padeṣūpādeyavastuṣu | 'padaṃ vyavasitatrāṇasthānalakṣmāṅghrivastuṣu' ityamaraḥ | samyagasaṃkīrṇamanyastaṃ ca vibhajya vicintya viniyoga eva satkriyānugrahaḥ | satkāra iti yāvat | yāsāṃ tā lambhitāḥ | sthāneṣu samyakprayuktā ityarthaḥ | upāyāḥ sāmādayaḥ | saṃgharṣa parasparaspardhāmupaityevetyutprekṣā | parivṛṃhitāyatīḥ pracitottarakālāḥ | sthirā ityarthaḥ | arthasaṃpado'nāratamajasraṃ phalanti | prasuvata ityarthaḥ || arthasaṃpadamevāha—

Previous: 1.14
Next: 1.16
Up: 1

Linked texts (1)

Kirātārjunīya — Bhāravi, Sanskrit