Arjuna and the Hunter 7.16

Ghaṇṭāpatha 7.16

Language: Sanskrit

7.16

salīlamirita || āsaktā latāntāḥ pallavā bhūṣaṇaṃ yasya tat | pallavaiḥ saha grathitamityarthaḥ | kusumāvataṃsakaṃ puṣpaśekharam | kāntadattamiti bhāvaḥ | salīlaṃ savilāsaṃ samāsajantyā śirasi pratidadhatyā | 'daṃśasañjasvajāṃ śapi' iti nalopaḥ | kāntayā kaścitstanābhyāmupapīḍyeti stanopapīḍam | 'saptamyāṃ ca-' ityādinā | ṇamulapratyayaḥ | nitambinā | praśaṃsāyāminiḥ | ghanena nibiḍena jaghanena | 'paścānnitambaḥ strīkaṭyāḥ klīve tu jaghanaṃ puraḥ' ityamaraḥ | nunude nunnaḥ | aṃśukātirekāditi bhāvaḥ | eṣā ca pragalbhaiva || atha yugmenāha-

Previous: 7.15
Next: 7.17
Up: 7

Linked texts (1)

Kirātārjunīya — Bhāravi, Sanskrit