Arjuna and the Hunter 7.31

Ghaṇṭāpatha 7.31

Language: Sanskrit

7.31

vigāḍheti || prayatnena saṃvāhitāḥ saṃcāritāḥ pīvarāḥ sthūlā ūravo yābhi stābhī ramaṇībhirambhasi vigāḍhamātre praviṣṭa eva sati | supsupeti samāsaḥ 'mātraṃ kārtsnye'vadhāraṇe' ityamaraḥ | vibhidyamānā svayaṃ viśīryamāṇā | karmakartari śānac | taraṅgasaṃhatistīreṣu sārasānpakṣiviśeṣān 'sāraso maithunīkāmī gonaī puṣkarādvayaḥ' iti yādavaḥ | yadvā | sārasānhaṃsān | 'cakrāṅgaḥ sāraso haṃsaḥ' iti śabdārṇave | udasyotsārya visasāra vitastāra ||

Previous: 7.30
Next: 7.32
Up: 7

Linked texts (1)

Kirātārjunīya — Bhāravi, Sanskrit