Arjuna and the Hunter 7.49

Ghaṇṭāpatha 7.49

Language: Sanskrit

7.49

priyairiti || priyaiḥ kāmibhiḥ salīlaṃ karavāribhirañjalijalairvārito'varuddhaḥ | sikta ityarthaḥ | pravṛddhaiḥ saṃtatairniḥśvāsairvikampitau stanau yasya saḥ | savibhramaṃ savilāsamādhūtāni karāgrapallavāni pāṇipallavāni yena saḥ | vilasanaśīlā vilāsinī | 'vau kaṣalasakatthasrambhaḥ' iti ghinuṇpratyayaḥ | saiva janaḥ | jātāvekavacanam | yathārthatāmāpa | uktarītyānekavilāsavatayā yathārthanāmakatvamavāpetyarthaḥ | 'kvacidraśyamānārthasyāprayogaḥ' iti nāmno na prayogaḥ | yathā māghe-'cirāya yāthārthyamalambhi diggajaiḥ' iti kvacitprayujyate ca | yathā raghuvaṃśe-'paraṃtapo nāma yathārthanāmā' iti | naiṣadhe'pi-'sa jayatyarisārthasārthakīkṛtanāmā kila bhīmabhūpatiḥ' iti | svabhāvoktiralaṃkāraḥ ||

Previous: 7.48
Next: 7.50
Up: 7

Linked texts (1)

Kirātārjunīya — Bhāravi, Sanskrit