Arjuna and the Hunter 7.57

Ghaṇṭāpatha 7.57

Language: Sanskrit

7.57

iti bhāravikṛtau mahākāvye kirātārjunīye aṣṭamaḥ sargaḥ | saṃkrānteti || saṃkrāntaiścandanarasairmalayajadravairāhito varṇabhedo rūpāntaraṃ yasya tat | vicchinnāni truṭitāni yāni bhūṣaṇāni teṣāṃ ye maṇiprakarā maṇigaṇāsteṣāmaṃśubhiścitraṃ nānāvarṇam | baddhormi taralaṃ taraṅgitaṃ nākavanitābhiḥ parisuktamuktaṃ pūrvaṃ parisuktaṃ paścānmuktam | 'pūrvakāla-' ityādinā tatpuruṣaḥ | sindhorgaṅgāyāḥ salilam | śerate'treti śayanīyaṃ talpam | bahulagrahaṇātsādhuḥ | tasya lakṣmīṃ babhāra | ata eva nidarśanālaṃkāraḥ | lakṣaṇaṃ tūktam ||

Previous: 7.56
Next: 8.1
Up: 7

Linked texts (1)

Kirātārjunīya — Bhāravi, Sanskrit