Arjuna and the Hunter 8.26

Ghaṇṭāpatha 8.26

Language: Sanskrit

8.26

māninīti || uditaḥ śītamayūkha uṣṇena virahataptena bāṣpeṇa kaluṣānāvilānmāninījanasya kalahāntaritanāyikājanasya vilocanapātān | mānabhaṅgajamitaroṣeṇa bhīṣaṇāniti bhāvaḥ | 'kopātkāntaṃ parāṇudya paścāttāpasamanvitā | kalahāntaritā' iti daśarūpake | pratigṛhṇansvīkurvan | aparihāryatvāditi bhāvaḥ | ata eva bhītabhīto bhītaprakāra ivetyutprekṣā | mandamandaṃ mandaprakāram | ubhayatrāpi 'prakāre guṇavacanasya' iti dvirbhāve karmadhārayavadbhāvātsulopaḥ | khamākāśaṃ prayayau ||

Previous: 8.25
Next: 8.27
Up: 8

Linked texts (1)

Kirātārjunīya — Bhāravi, Sanskrit