The Slaying of Śiśupāla 4.58
Śiśupālavadhaṭīkā 4.58
- Language
- Sanskrit
4.58
paraspareti || yatra puri parasparaspardhīnyahamahamikayānyonyasāmarṣāṇi parārdhyāna śreṣṭhā ni rūpāṇi saundaryāṇi yāsāṃ tāḥ | rūpaṃ svarūpe saundarya iti viśvaḥ | pure bhavāḥ paurāḥ tāḥ striyaḥ paurastriyaḥ | striyāḥ puṃvadityādinā puṃvadbhāvaḥ | vidhāya nirmāya vedhāḥ sraṣṭā śriyo lakṣmīdevyāḥ nirmityā nirmāṇena prāptaṃ yat ghuṇena vajrakīṭena kṣatasyotkīrṇasyaikavarṇasya upamayā sāmyena vācyamapavādaḥ tadalamatyantaṃ tadevamalamivi kecit mamārja ghuṇākṣaravat yādṛcchikamidaṃ śrīdevatāsaundarya śilpaṃ na kauśalamityayaśaḥ kṣālitavānityarthaḥ | anayā cātiśayoktyā paurastrīṇāṃ ramāsamānasaundarya vastu vyajyate |