The Slaying of Śiśupāla 4.28

Sarvaṅkaṣā 4.28

Language: Sanskrit

4.28

neti || aṣṭasu dhātuṣu padaṃ pratiṣṭhā asyeti aṣṭāpadaṃ suvarṇam | rukmaṃ kārtasvaraṃ jāmbūnadamaṣṭāpado'striyāmiti suvarṇaparyāyeṣvamaraḥ | tasya bhūmistasyāḥ reṇuḥ kāñcanabhūrajaḥ padāhato rathāśvādicaraṇatāḍito'pi sannityarthaḥ | mahājanānāṃ bahujanānāṃ pūjyānāṃ ca śirāṃsi na laṅghayāmāsa nākrāmati sma | kiṃ bahunā uddhatimutpavanaṃ darpa ca naivājagāma | kutaḥ | yadyasmāt garimṇo gurutvaguṇasya māhātmyasya ca priyasthiretyādinā gurorgarādeśaḥ | sadṛśamanurūpaṃ yathā tathā aceṣṭata alaṅghanavyavahāre gurutvasyauddhatyapratibandhakatvāditi bhāvaḥ | atrānauddhatyādiprastutasuvarṇaparāgaviśeṣaṇasāmyādaprastutasujanapratīteḥ samāsoktiralaṃkāraḥ |

Previous: 4.27
Next: 4.29
Up: 4

Linked texts (1)

Śiśupālavadha — Māgha, Sanskrit