Ravanavadha 1.41

1.41

etāvityādi-etau tatrāgatau nṛsiṃhau narau siṃhāviva | janakāśramasthaṃ janaṃ rūpeṇa svarūpatayā aujihatāṃ vitarkaṃ kāritavantau | siṃhāviva | '695| ūham̐ vitarke' ityasmāddhātoḥ ṇyantāt kartuḥ kriyāphalāvivakṣāyāṃ | '2564| ṇicaśca |
74|' iti taṅ na bhavati | caṅi ṇilopasya sthānivadbhāvāt | '2176| ajāderdvitīyasya |
69|' iti ṣaṣṭhīpratiṣedhaḥ | etāvāgatau | āṅpūrvasyeṇo niṣṭhāyāṃ rūpam | kimaśvinau aśvinīkumārau somarasaṃ pipāsū | etāviti | evaṃ janam aujihatām | suśabdapāṭhe etau sumitreti pāṭhaḥ | etau sma mitreti smaśabdo nipātaḥ pādapūraṇārthaḥ ||
' iti katvam | kṛtadārakarmāpi putraḥ pitari jīvati kumāra iti vyapadiśyate | garbhayatīti garbhaḥ | gururbāṇo garbho yasya dhanuṣaḥ | lokāṃśca svaprabhāvādvijitān | tasya paraśurāmasya | alāvīt chinnavān | lunāterluṅi sici vṛddhau rūpam | samucchidyantāmasya lokā iti amoghamastraṃ muktavānityarthaḥ | tataḥprabhṛti tasya sarvaṃ tejo'pahṛtam ||