Ravanavadha 2.12

Jayamaṅgalā 2.12

Language: Sanskrit

2.12

prasthetyādi-tau rāmalakṣmaṇau prasthāsyamānau gamiṣyantau | ‘2689| sampra-pra-vi-bhya-sthaḥ |
22| iti taṅ | janān idaṃ vakṣyamāṇamūcatuḥ uktavantau | bruvītyarthagrahaṇāt vacerdvikarmakatā | upaseduṣastau ḍhaukitavataḥ janān | ‘3097| bhāṣāyāṃ sada-vasa-|
108| ityādinā kvasuḥ | śośucyamānān atyarthaṃ śokaṃ kurvataḥ | bhṛśārthe yaṅ | kimūrcaturityāha-kiṃ śocateti | he janāḥ! kasmādasmān śocata paridevayadhvam | vidhāvapūrvārthaprakāśena loṭ | ihābhyudaye bataśabdo vismaye | tasmin āścaryabhūte abhyudaye vṛddhau satyām | kuta ityāha - piturniyogalābhena vanagamanājñālābhena kṛtārthān labdhaprayojanān | kṛtārthatvādaśocyā vayamityarthaḥ ||

Previous: 2.11
Next: 2.13
Up: 2

Linked texts (1)

Rāvaṇavadha — Bhaṭṭi, Sanskrit