Ravanavadha 2.37
Jayamaṅgalā 2.37
- Language
- Sanskrit
2.37
śīghretyādi-janairhetubhūtairbhūścakāsāñcakāra śobhate sma | kartuḥ kriyāphalayoge'pi nātmanepadam | āmpratyayavadityatra pūrvagrahaṇānuvṛtteḥ | cakāseśca parasmaipaditvāditi vidhiniyamau sthitau | śīghrāyamāṇaiḥ aśīghraiḥ śīghrairbhavadbhirjhaṭiti gacchadbhirityarthaḥ | ‘2667| bhṛśādi-|
74| ityādinā samāsāntaḥ prāpto ‘956| nañastatpuruṣāt |
71|’ iti pratiṣiddhaḥ san ‘957| patho vibhāṣā |
72|’ iti vikalpitaḥ | śokāddhetorabhūṣaṇairanalaṅkārairapi cakāsāñcakāra bhūḥ bhūmiḥ | bhūṣeti ‘3280| gurośca halaḥ |
103|’ ityakārapratyayaḥ | ‘1148| cakāsṛ dīptau’ ityasmāt kāspratyekājugrahaṇaṃ culumpādyarthamityām | nāgendrarathāśvamiti dvandve ekavadbhāvaḥ | alpāctarasya na pūrvanipātaḥ | ‘bahuṣvaniyamaḥ’ iti vacanāt | tena senāṅgatvāt kṛtaikavadbhāvena miśrairyuktaiḥ | ‘693| pūrva-sadṛśa-|
Linked texts (1)
- Rāvaṇavadha — Bhaṭṭi, Sanskrit