Ravanavadha 2.561

2.561

itītyādi-iti evaṃ nigaditavantaṃ uktavantaṃ taṃ bharataṃ rāghavo rāmo jagād uktavān | kimityāha-he bharata madīye pāduke upānahau gṛhītvā tvaṃ vraja gaccha | vidhau loṭ | asmadastyadāditve '1336| tyadādīni ca |
74|' iti vṛddhasaṃjñāyāṃ tasyedamarthe '1337| vṛddhācchaḥ |
114|' '1373| pratyayottarapadayośca |
98|' iti madādeśaḥ | tataśca pūjyamāno janaughairjanasamūhaiḥ | cyutanikhilaviśaṅkaḥ apagatāśeṣavikalpaḥ | sakalabhuvanarājyaṃ sarvatra bhūmaṇḍale rājyaṃ kāraya anuṣṭhāpaya | pāduke iti yojyam | asmanmatena asmākamabhiprāyeṇa | atra madādeśo na bhavati asmado bahuvacanāntasya vivakṣitatvāt | tatra hyekavacana iti vartate | nanu kathaṃ madīya ityatra madādeśaḥ bahuvacanāntatvāditi virodhaḥ pāduke rāmasyaiva tarhyasmanmatena ityatrāpi ekavacanam| āvayo rāmalakṣmaṇayormateneti ṣaṣṭhīsamāse na doṣaḥ|| iti śrī-jayamaṅgalā''khyayā vyākhyayā samalaṃkṛte śrī-bhaṭṭikāvyeprathame prakīrṇa-kāṇḍe lakṣaṇa-rūpe tṛtīyaḥ paricchedaḥ (vargaḥ), tathā lakṣya-rūpe kathānake śrī-rāma-pravāso nāma tṛtīyaḥ sargaḥ paryavasitaḥ |
nivṛtta ityādi-dhīmān buddhimān atra sthite mayi kadācidbharataḥ
punareṣyatītyevaṃ buddhimān rāmaḥ atrermaharṣestapovanaṃ prapede gataḥ | tasmiṃśca tapovane arghyapādyādibhiḥ pūjitaḥ | dāṇḍakyo nāma bhojo bhārgavakanyāmaharat | tacchāpāt pāṃsuvarṣeṇākrāntaḥ sabandhurāṣṭravināśo yasmin sthāne tattvopalakṣitam araṇyamabhūt | tadīyivān gatavān | '3098| upeyivān|
109|' ityatra upasargasyātantratvātkevalādapīṇaḥ kvasuḥ ||