Ravanavadha 7.3

7.3

viyatītyādi-haripayonidhī hanūmatsamudrau mūrtī svadehau viyatyākāśe vyatyatanvātāṃ vyativistāritavantau | tanoterlaṅ | '2680| kartari karmavyatihāre |
14|' ityātmanepadam | uttamaṃ ca mārgamarkendrenduniṣevitaṃ vyatyaitāṃ vyatigatavantau | iṇaḥ parasya laṅaḥ karmavyatihāra ityātmanepadaṃ prāptaṃ '2681| na gati-hiṃsārthebhyaḥ|
15|' iti gatyarthatvāt pratiṣiddhaṃ, tena tasastāmādeśaḥ | tatra harergacchataḥ purato yasminviyatpradeśe svamūrtiṃ vistārayitumavasaro bhavitā, tatra payonidhirūrmibhiḥ svamūrtiṃ vitastāra | payonidheśca velātaṭaṃ gacchato yatra svamūrtivistārāvasaro bhāvī tatra hariḥ svamūrtiṃ vitastāra | tathā payonidherye mārge gantumavasaro bhavitā, harirutpatya taṃ mārge gantumaicchat | yaṃ ca harermārgaṃ gantumavasaro bhavitā taṃ mārgaṃ payonidhirabhraṃlihairūrmibhiraicchat | yatra yatkriyāvasare kriyāṃ karoti sa tatra tatkriyākārītyupacaryate | yathā devadattasādhyāṃ kriyāṃ yajñadattaḥ kurvan tatkārītyucyate | tataścetareṇetara-
saṃbandhinyāḥ kriyāyāḥ karaṇāt anyatarasambandhinyāścetarakaraṇāt sambhavati karmavyatihāraḥ ||