Ravanavadha 3.23

Sarvapathīnā 3.23

Language: Sanskrit

3.23

23. tamiti || viprān sākalyena dṛṣṭvā vipradarśaṃ kṛtaghātayatnā vihitavadhodyogā rātricarī rākṣasī || “careṣṭaḥ” || ṭitvāt ṅīp || yāntaṃ
banecaraṃ taṃ rāmaṃ ḍuḍhauke | ḍhaukergatyarthālliṭ | atha rāmastāṭakākhyāṃ tāṃ rātricarīṃ sākalyena jighāṃsuṃ viditvā jighāṃsuvedam || “karmaṇi dṛśividoḥ sākalye” ityubhayatrāpi ṇamulapratyayaḥ || atra tāṭakāyā ekatve'pyaditiḥ pāśāniti bahutvavadvayavābhiprāyaṃ sākalyavacanaṃ veditavyam | tadvṛttadavayaveṣvapi jighāṃsutvasaṃbhavāt | avayavavyāpārapūrvakatvādavayavivyāpārasyeti | dhṛtaṃ bhāsvaraṃ dīptamastraṃ yena sa san nijaghāna nihatavān ||

Previous: 3.22
Next: 3.24
Up: 3

Linked texts (1)

Rāvaṇavadha — Bhaṭṭi, Sanskrit