Ravanavadha 3.3

3.3

3. bimbeti || bimbena pratibimbarūpeṇāgataiḥ saṃkrāntaistīravanairupalakṣitaiḥ payobhiḥ sarojajalairapahṛtāṃ nijāmātmīyāṃ samṛddhiṃ vanalakṣmīṃ vilokya kūlāni kartṛṇi sāmarṣatayeva sthalapadmahāsaiḥ sthalakamalavikāsaiḥ sarojalakṣmīṃ payaḥsambandhinīṃ vitenurvistaruḥ | payobhiḥ pratibimbacchalena svakīyavanaśobhāpahṛteti kūlaiḥ kopāt sthalapadmahāsamiṣeṇa tadīyasarojaśobhāpahāraḥ kṛta ityutprekṣārthaḥ | parāhataśrīkāṇāṃ tadīyaśrīharaṇaṃ yuktamiti bhāvaḥ ||