Sandesharasaka 5.65
Sandeśarāsaka 5.65
- Language
- Apabhraṃśa
5.65
ṇiya daiyaha ukkaṃkhiri kivi virahāuliya,
piya āsaṃgi pahuttiya saṃgama bāuliya
te pāvahim̐ suviṇaṃtari dhannā taṇu pharasu,
āliṃgaṇu avaloyaṇa cuṃbaṇu surayarasu
ima kahiya pahiya tasu ṇiddayaha jaiya kāli pavasiyau tuhu
tasu lai mai taṇi ṇiṃda ṇahu ko puṇu suviṇai saṃgasuhu ||64||‡
piyavirahavioe saṃgamasoe divasarayaṇi jhūraṃta maṇe,
ṇihu aṃgu susaṃtaha vāha phusaṃtaha appaha ṇiddaya kiṃpi bhaṇe
tasu suyaṇa nivesiya bhāiṇa pesiya mohavasaṇa bolaṃta khaṇe,
maha sāmiya vakkharu hari gau takkharu jāum̐ saraṇi kasu pahiya
bhaṇe