Balabharata 4.1-2.2

4.1-2.2

vīsalabhūpālarājyasamayastu—‘svasti śrīmadvikramakālātītasaptadaśādhikatrayodaśaśatika(1317)saṃvatsare laukikajyeṣṭhamāsasya kṛṣṇapakṣacaturthyāṃ tithau gurāvadyeha śrīmadaṇahillapāṭake samastarājāvalīvirājitaparameśvaraparamabhaṭṭāraka-umāpativaralabdhaprasādaprauḍhapratāpacautukyakulakamalinīkalikāvikāsamārtaṇḍa-sindhuṇasainyasamudrasaṃśoṣaṇavaḍavānala-mālavādhīśamānamardana-medapāṭakadeśakalluśarājyavallīkandocchedanakuddālakalpa-karṇāṭarājajaladhitanayāsvayaṃvarapuruṣottama-bhujabalabhīma-abhinavasiddharāja-aparārjuna-ityādisakalavirudāvalīsamalaṃkṛtamahārājādhirājaśrīmadvīsalakalyāṇavijayirājye tadanuśāsanānukartini mahāmātyaśrīnāgaḍe śrīśrīkaraṇādisamastamudrāvyāpārānaparipanthayatītyevaṃ kāle pravarttamāne'syaiva paramaprabhoḥ śrīmanmahārājasya prasādapattalāyāṃ vardhipathake bhujyamānamaṇḍalyāṃ jayaśrīnirbharārilaṅgitaśarīro mahāmaṇḍaleśvararāṇakaśrīma sāmantasiṃhadevo nagarapaurānanyāṃnapi sarvānadhikṛtya sarveṣāṃ viditaṃ yathāśāsanaṃ prayacchati | yathā—yanmayā mahādānodakaprakṣālitavāmetarakaratalena paramadhārmikeṇa bhūtvā tīrthapuṇyodakaiḥ snātvā śuklavāsasī paridhāya carācaratribhuvanaguruṃ bhagavantaṃ bhavānīpatiṃ samabhyarcya saṃsārāsāratāṃ vicintya nalinīdalagatajalavattaralataraṃ jīvitavyamī(mai)śvaryaṃ cāvagamya aihikaṃ pāratrikaṃ ca phalamaṅgīkṛtya—' iti ḍaॉkṭara
jī. būhlara sī. āy. ī. mahāśayaiḥ Indian Antiquary-Vol. VI.
p. 210-12 pradarśitadānapatrataḥ śrīmadvīsalanarapatirājyaṃ trayodaśakhristaśatake niścīyate.