Andhra Mahabharatamu 1.3.84

1.3.84

సీ. యమునంశమునఁ బుట్టె నధిపతి ధర్మజుం; | డనిలాంశమునఁ బుట్టె ననిలజుండు;
శక్రాంశమున ధనంజయుఁ డుదయించె; నా | శ్వినుల యంశముల నూర్జితులు నకుల
సహదేవు లనవద్యచరితులు పుట్టిరి; | శ్రీమూర్తి యై యాజ్ఞసేని పుట్టె;
నగ్నియంశమున జితారి ధృష్టద్యుమ్నుఁ | డనఁ బుట్టె ద్రుపదరాజాన్వయమున;
ఆ. ననఘ! యిది సురాసురాంశావతారకీ | ర్తనము; దీని వినినఁ దవిలి భక్తిఁ
జదివినను సమస్త జనులకు నఖిలదే | వాసురాదు లిత్తు రభిమతములు.