Andhra Mahabharatamu 1.5.230

1.5.230

సీ. ఆతని యస్త్రవిద్యాభియోగమునకుఁ | బ్రియశిష్యవృత్తికిఁ బెద్ద మెచ్చి
‘యన్న! ధనుర్ధరు లన్యులు నీకంటె | నధికులు గాకుండునట్లు గాఁగఁ
గఱపుదు విలువిద్య ఘనముగా’ నని పల్కి | ద్వంద్వసంకీర్ణయుద్ధముల తెఱఁగు
రథమహీవాజివారణములపై నుండి | దృఢచిత్రసౌష్ఠవస్థితుల నేయ
తే. బహువిధవ్యూహభేదనోపాయములను | సంప్రయోగరహస్యాతిశయము గాఁగఁ
గఱపె నర్జునుఁ దొంటి భార్గవుఁడు వింట | నిట్టిఁ డే! యని పొగడంగ నెల్ల జనులు.