Andhra Mahabharatamu 1.6.179

1.6.179

సీ. కుంతిభోజాధిపుకూఁతురు వసుదేవు | చెలియలు మఱియు విచిత్రవీర్యు
కోడలు కౌరవకులవిభూషణుఁ డైన | పాండుమహాదేవి పరమధర్మ
పరు లైన కొడుకులఁ బడసినయది పుష్ప | సుకుమారతరమూర్తి శుచిపరార్థ్య
శయనతలంబున శయనించియును నిద్ర | వోవనియది దప్పిఁ బొంది కటికి
ఆ. నేల గుండ్లు లొత్త నిద్ర వోయిన యది; | తల్లికంటె నిద్రఁ దగిలి సుతులు
వాలుమృగము లున్న వన మని వగవక | మఱచియుండి; రేమి మాడ్కి యొక్కొ!