Andhra Mahabharatamu 1.6.60
Āndhra Mahābhāratamu 1.6.60
- Language
- Telugu
1.6.60
సీ. శూరులజన్మంబు సురలజన్మంబును | నేఱులజన్మంబు నెఱుఁగ నగునె?
మొగిని దధీచియెమ్మునఁ బుట్టదయ్యెనే | వాసవాయుధ మైన వజ్ర మదియు;
గాంగేయుఁ డన మఱి కార్తికేయుం డన | నాగ్నేయుఁ డన రౌద్రుఁ డనఁగ శరవ
ణోద్భవుం డన గుహుం డుద్భవిల్లఁడె? శర | స్తంబజన్ముఁడు గాఁడె ధర్మవిదుఁడు
తే. గృపుఁడు? ఘటసంభవుఁడు గాఁడె కీర్తిపరుఁడు | వరుఁడు ద్రోణుండు? విప్రులవలనఁ బుట్ట
రైరె సత్క్షత్రియుల్ ఘను లవనిఁ గావఁ? | గడఁగి మీ జన్మములు నిట్ల కావె వినఁగ.