Andhra Mahabharatamu 1.8.261

1.8.261

సీ. చక్రధరుం డయ్యు జలరుహనాభుండు | గాండీవధరుఁ డయ్యుఁ బాండవుండు
నుండి రవ్వనమున కుభయపార్శ్వంబులఁ | దొల్లింటి యట్టులు పెల్లు రేఁగి
యనలంబు నార్పంగ నార్చుచుఁ బఱతెంచి | వనరక్షకులు పార్థు సునిశితాస్త్ర
ధారల నపగతదర్పు లై యరిగిరి | యమసదనంబున కమితబలులు;
ఆ. శిఖియు నుగ్రదీర్ఘజిహ్వలు సాఁచి యు | ద్ధురసమీరణంబు తోడు సేసి
కొని యుగాంతకాల కుపితానలాకారుఁ | డయ్యె ఖాండవమున కద్భుతముగ.