Andhra Mahabharatamu 2.2.282

2.2.282

సీ. ధర్మజ్ఞుఁడవు నీవు పేర్మిఁ, బరాక్రమ | ధనుఁడు భీముం, డింద్రతనయుఁ డఖిల
యుద్ధ విశారదుం డిద్ధయశోనిధి, | నకులుఁ డర్థాఢ్యుండు, ప్రకట బుద్ధి
నెంతయు సంయమవంతుఁడు సహదేవుఁ, | డధ్యాత్మవిద్య నారాధ్యుఁ డెందు
ననఘుండు ధౌమ్యుండు, వినుతార్థ ధర్మంబు | లందు విచక్షణ సుందరాంగి
ఆ. ద్రుపదతనయ; యిట్లు విపులగుణాళి న | న్యోన్య హితుల రగుట నన్యు లుర్వి
నాదరింపఁగాక భేదింపనోపెడు | వారు గలరె మిమ్ము ధీరమతుల.