Andhra Mahabharatamu 3.2.194
Āndhra Mahābhāratamu 3.2.194
- Language
- Telugu
3.2.194
సీ. ‘అడవిలో వస్త్రార్ధహారియై దయలేక | ప్రాణేశ్వరుఁడు దనుఁ బాసి చనిన
నాఁటి వస్త్రార్ధంబు నలినాక్షి యిప్పుడుఁ | బరిధానముగఁ బాంసుపటల మలిన
మగుచున్న తనువుతో ననయంబు జడగొన్న | యలకావలులతోడ నవనితలము
శయనంబుగా ధర్మచారిణి దమయంతి | యనఘవ్రతం బిట్టు లాచరించు
ఆ. చున్న’ దనిన నవిరళోద్గత బాష్పపూ | ర్ణంబు లైన లోచనంబు లెఱుక
వడకయుండ వదనపద్మంబు వాంచి తా | నొండువలను సూచుచుండె నలుఁడు.