Andhra Mahabharatamu 3.2.54

3.2.54

సీ. దమయంతి సితపుష్ప దామాభిశోభిత | హస్తయై చనుదెంచి యంబుజాక్షి
యమ్మహోత్సవ దర్శనాగత రాజన్య | నివహంబు నీక్షించి నెమ్మితోడ
నలువురు వేల్పులు నలుఁదొట్టి యప్పు డే | కాకారులై యున్న నందు నలుని
నేర్పరింపఁగ నేర ‘కింద్రాదులను నలు | నెఱుఁగు నుపాయ మిం కెద్ది యొక్కొ?’
ఆ. యనుచు సంశయాకులాత్మయై ‘సురలార! | నలు నెఱుంగువిధము నాకుఁ జేయుఁ
డాత్మరూపధరుల రగుఁ’ డని పరిదేవ | నంబు సేసెఁ దన మనంబులోన.