Andhra Mahabharatamu 4.2.216

4.2.216

సీ. ద్రుపద భూవిభుఁడు పుత్త్రులకంటె నెంతయుఁ | బెంపు సేయుచు గారవింపఁ బెరిఁగి,
కుంతీమహాదేవి కోదండ్ర లోపల | నగ్గలంబుగఁ గొనియాడఁబరఁగి,
ప్రాణంబులకు నెల్లఁ బ్రాణంబుగా మీరు | నెయ్యంబు తియ్యంబు నెఱప నడచి,
మదిఁ దల్లిదండ్రుల మాఱుగాఁ గొని జను | లనిశంబు భక్తి సేయంగ నెగడి
తే. రూపగుణ విక్రమంబుల రూఢికెక్కు | నట్టి కొడుకులఁ గని భరతాన్వయంబు
నందు నా యిల్ల యిల్లుగా నతిశయిల్లి | తగవుమై బాంధవులచేతఁ బొగడు వడసి.