Andhra Mahabharatamu 4.2.241

4.2.241

సీ. నీరజాకరములు నిష్ఠమైఁ జేసిన | భవ్యతపంబుల ఫల మనంగ,
దివసముఖాభినందిత చక్రయుగ్మకం | బుల యనురాగంపుఁబ్రో వనంగ,
హరిహరబ్రహ్మ మహానుభావంబు లొ | క్కటి గాఁగఁ గరఁగిన గట్టి యనఁగ,
నతుల వేదత్రయ లతికాచయము పెను | పొందఁ బుట్టెడు మూలకంద మనఁగ
తే. నఖిల జగముల కందెఱ యగుచు జన స | మాజ కరపుట హృదయ సరోజములకు
ముకుళనంబును జృంభణంబును నొనర్చి | భానుబింబంబు పూర్వాద్రిపై వెలింగె.