Andhra Mahabharatamu 4.5.150

4.5.150

సీ. తునిమి, తోడన యొక్క సునిశిత శరమునఁ | గాఁడియు, రెంట నక్షములఁ ద్రుంచి,
హరుల నాల్గిటఁ జంపి, యాలంపు టెలుఁగుతో | నొగలు మూఁడమ్ముల నుగ్గుసేసి,
ధనువును సూతుని తలయుఁ జెఱొక్క ట | నఱకి, లోచనముల నవ్వు మెఱయఁ
గృపుని నాలోకించి క్రీడి తద్వక్షః స్థ | లంబునఁ గ్రూరభల్లంబు నాఁట
ఆ. హతరథుండు నిపతితాశ్వుండు సంఛిన్న | చాపుఁడును నికృత్త సారథియును
నయ్యు, నొచ్చియును, భుజార్గళ సంరంభ | మతిశయిల్ల శక్తి నతఁడు వైచె.