Andhra Mahabharatamu 4.5.56

4.5.56

సీ. మండితధ్వజదండమండలంబులఁ గిట్టి | విటతాటనంబుగా విఱిచి విఱిచి,
చటులఖురోద్భటాశ్వ శ్రేణిఁ బొదివి ర | యంబునఁ దునిమి తూఁటాడి యాడి,
రాజిత బహువిధ రథ సమూహముఁ జొచ్చి | గలిబిలి యగునట్లు గలఁచి కలఁచి,
మదభర భీషణ మాతంగముల ముట్టి | చిందఱ వందఱ చేసి చేసి,
ఆ. పటు పదాతి చయముపై రౌద్రరస మహో | గ్రముగ నడరి నేలఁ జమరి చమరి
సవ్యసాచి బాణ సంఘంబు మత్తశుం | డాల ఘోరలీలఁ గేలి సలిపె.