Mahabharata p77

p77

(23) brāhmaṇaḥ kena bhavatīti pṛcchati-ākhyāneti | ākhyānam itihāsaḥ pañcamo yeṣāṃ taiḥ [vedairbhūyi]ṣṭhaṃ⁶ mahattvabhājanaṃ yathā bhavati tathā kathyate janaḥ || (24) na vidyate ṛco yeṣāṃ te anṛco jātimātreṇa brāhmaṇāḥ | jātyā vaidarvā | vedapakṣe, ākhyānapañcamaiścaturbhistribhi [rdvābhyā]mekena⁷ vā kena brāhmaṇo bhavatīti praśnārthaḥ | (25) uttaramāhaekasya iti | alpaprajñairalpajīvitaiḥ ajñānād ṛgyajuḥsāmādyarthabhedena tatrāpi śākhādibhedena bahutvaṃ kṛtam | yathā satyasya brahmaṇa ekasya advitīyasya ajñānād ityanuvartanīyam | bahu[viṣa]yāṇi⁸ [Fol. 57a]...bahūni brahmāṇi satye ekarūpe brahmaṇi | kaścid api kaścideva vītarāgaḥ, na sarvo janaḥ | dṛṣṭāntasiddhamarthaṃ dārṣṭāntike [yojayati - evaṃ veda]miti⁹ ekavacanam ekatvavivakṣayā | anutsādya parityajya | tameva karaṇaṃ kṛtveti yāvat | prajñāṃ pramāṇajñānam | mahati brahmaṇi | tattvamasyādivedavākyād brahma jānantīti yāvat || (26) dānādi brahmaṇastvajñāne sati svargaphalalobhātpravartate | satyād brahmaṇaḥ pracyavamānānāṃ pṛthagbhavatām | śabarasaṃvardhitarājaputrasya yathā svarūpājñānācchabarocitaṃ karma tathā dānādi satyātpracyutānāmapi | yadi taddhyānaṃ [syāttathā]pi dānādi [pravartate] kiṃtu taddhyānādapi pracyavamānāṃ dānādi pravartata ityāha-saṃkalpācca¹⁰ iti | lobhātkarmapravṛttimuktaprakāreṇa......[Fol. 57b]ntikarūpaḥ || (27) pratāyeta pratanyeta | satyasyaivāvadhāraṇāt brahmajñānamuddiśya