Mahabharata p94

p94

(48) taptā tapsyate || (52) vipāṭhāḥ śarāḥ | dvijāḥ pakṣiṇaḥ | pracetāraḥ¹ pravekṣyanti || (53) draṣṭā drakṣyanti || (54) ātateṣuḥ vistṛtabāṇaḥ || (55) rathena rajasā dhvastaṃ gāṇḍīvenāpakṛttaṃ chinnaṃ svasainyam || (56) tumule kāṃdigbhūte yuddhe | patraṃ vāhanam || (57) prajāpateḥ sraṣṭuḥ | karma kriyamāṇam | karacaraṇamukhanāsikādyavayavajātamavayavavidhānataḥ prāg vikīrṇamiva || (59) dasyūn dāyādān uddhartayan parāṅmukhaṃ kurvan | yugānte pralaye | anyayugaṃ svīyāṃ sṛṣṭim | taptā tapsyate || (63) saṃhitaṃ² saṃdhiḥ || (65) sāgaraṃ sagarakhātaṃ mahodadhiṃ samudrāntaraṃ salilasyāprameyam [aprameya]³jalam || [Fol. 75b] (66) śvetaṃ kailāsam || (69) sudarśanaṃ⁴ cakram | namrajitaḥ sutairmāyayā baddhaṃ mumoca ityanvayaḥ | lalāmaṃ tilakam || (70) kapāṭe⁵ nagare | dantakure pure | anāthā⁶ rājaśūnyā || (71) jambhaṃ śailamabhihatya hataḥ || (73) saubhaṃ nagaram | khastham gaganacaram || (76) aiśvaryavān apratihatecchāvān | siddhiṣu kāryasiddhiṣu || (77) nimlocane⁷ nagare | pāśān mureṇa⁸ prasāritān || (82) asmān samīkṣya asmatsnehāt, athavā asmābhistadvadhasya pratijñātatvāt || (83) paryāyagataṃ kramaprāptam | mama kṛṣṇasya kalahaṃ yanmanyate duryodhanaḥ | yacca pāṇḍavānāmuparīti śeṣaḥ | mamatvaṃ snehaṃ śakyaṃ hartum iti manyate | tadveditā vediṣyati saṃyugaṃ⁹ yuddhaṃ gatvā || (85) dharmeṇa kṣātreṇa | niyatam aśakyam | tavāsmī¹⁰tyevaṃvādibhyo vṛttam | grahe¹¹ paṇe || (86) adya vanavāsanivṛttisamaye jīvataḥ pāṇḍavānāha [Fol. 76a]tya kasmān nandiṣyanti¹² || (87) te yadi asmān jayeyuḥ tadā dharmāddharmo garīyān | kṛtaṃ puṇyaṃ sādhu saccaritaṃ ca¹³ nāsti || (88) imaṃ kṣetrajñaṃ karmabaddhaṃ na yadi manyate, yadi vā asmān puṇyakṛto'pi viśiṣṭān na manyate tadā nāstiko'sau | nāstikaṃ dharmaparāṅmukhaṃ vāsudevadvitīyo jetuṃ pracarāmaḥ || (89) idaṃ śubhaṃ karma nareṣu na cedbaddhaṃ na cedvidhinā niyatam, niyatatve'pi yadi puruṣasya svakarma kṣatrādijātipratibaddhaṃ¹⁴ yuddhādi nāsti, tatrāpi¹⁵ tayorapi pakṣayoḥ samīkṣya vicārya dhārtarāṣṭrasya dṛṣṭabalavādinaḥ parājayaḥ sādhuḥ | dṛṣṭabalasyāpyasmādadhikatvāt || (90) he kuravo yadbravīmi vo yuṣmān bhāvitve'pi tat pratyakṣam, sphuṭatvādadarśanasya | tadevāha-yudhyamānā iti | anyatra yuddhātkuravaḥ santīti śeṣaḥ | yu[Fol. 76b]ddhyatāṃ tu parīpsan rājyaṃ prāptumicchan śeṣaḥ kaścinnāsti iti || (92) saṃvatsarāḥ saṃvatsaravedinaḥ | jyotiṣi grahaṇe || (93) uccāvacam āgantukalābhālābham | daivayuktaṃ śubham, puruṣakārodyatasyāśubham | rahasyaṃ daśāphalam | divyān praśnān¹⁶ asminnārambhe idaṃ phalaṃ bhaviṣyatīti | mṛgacakrān śubhāśubhaphalapradān muhūrtān¹⁷ || (94) saṃsiddhārtham¹⁸ avaśyaṃbhāvinīm | aparokṣavidyaḥ sarvapratyakṣadarśī || (95) apramattaḥ avahitaḥ | purāṇī janmāntarasaṃbandhinī | na vyathate na hriyate || (96) anālabdham anāspṛṣṭam |