The Great Epic of the Bhārata dynasty 1.63.103
Bhāratabhāvadīpa 1.63.103
- Language
- Sanskrit
1.63.103
kaivalyaṃ kevalameva kaivalyam asaṅgam | nirguṇaṃ rūpādibhiścakṣurādibhiśca hīnam | atra vigrahavattvātprasaktaṃ paricchinnatvaṃ kāraṇavattvaṃ janmamaraṇaṃ ceti | taccatuṣkaṃ krameṇa vyāvartayati | viśvamanādimajamavyayamiti | māyikatvādvigrahasya na tatkṛtaparicchedādayo'sminsambhavantītyarthaḥ | ya evaṃrūpo nārāyaṇaḥ sa eva devakīsūnurityāha | puruṣa ityādi sārdhena | sa evaṃ bhūto'strajñau rāmākṛṣṇau jajñe | tadubhayarūpeṇa jāta ityarthaḥ ||