The Great Epic of the Bhārata dynasty 12.189.16
Bhāratabhāvadīpa 12.189.16
- Language
- Sanskrit
12.189.16
avisrambhe aviśvāse nimitte sati na gantavyaṃ na prāpyam | ataḥ visrambhe eva guruvedavākyeṣu yāthārthyaniścaye mano dhārayet | avisrambheṇeti samūrdhanyapāṭhe tu yathā yoṣitamagniṃ dhārayītetyādau yoṣitsvarūpam agnitvena yaddraṣṭavyaṃ tadviśvāsenaiva na tu tatra vastutattvaṃ tathāsti | iha tu anubhava eva pramāṇamityarthaḥ | evaṃ ca sarvāṇīndriyāṇi pratyāhṛtya svapna iva manomātreṇāvatiṣṭheta mano'pi prāṇe prāṇopādhike jīvātmani śuddhatvampadārthe dhārayet | tamapi brahmaṇi tatpadalakṣye ghārayet ||