The Great Epic of the Bhārata dynasty 13.44.18

Bhāratabhāvadīpa 13.44.18

Language: Sanskrit

13.44.18

iti tadvyākhyātam | atra mātṛpitṛsambandhātsavarṇaiva dārakarmaṇi yajñādau maithune ca praśastā | evaṃ sati punarmaithunagrahaṇaṃ smṛtyantare dṛṣṭārthatvānmaithune smṛtaṃ sarvāsāṃ sādhāraṇyaṃ nivartitum | maithune'pi yajñādāviva savarṇaiva mukhyā natu tasyā itarasādhāraṇyamiti | etadevābhisandhāyātroktam ityetāmanugaccheteti | ye tu maithunasya pṛthaggrahaṇāddārakarmapadena tadvyatirikte yajñādāveva savarṇāyāḥ prādhānyaṃ maithune tvitarasādhāraṇyamiti vyācakṣate tadanena virudhyate | hīnavarṇāyāṃ jātasyātmano'pi hīnatvāpatteśca | tatrātmā jāyate svayamiti vacanāt ||

Previous: 13.44.17
Next: 13.44.19
Up: 13.44

Linked texts (1)

Mahābhārata — Vyāsa, Sanskrit