The Great Epic of the Bhārata dynasty 13.6.49

Bhāratabhāvadīpa 13.6.49

Language: Sanskrit

13.6.49

nanu kṛṣiparjanyanyāyena daivāpekṣā karmasiddhirna karmāpekṣaṃ daivamiti pratyakṣaṃ tatkathaṃ viparītamucyata ityāśaṅkyāha - abhīti | daivasya prākkarmaṇaḥ abhyutthānaṃ vyāpāro dvividhaḥ | sañcitarūpeṇāvasthānam ekaḥ, bhogārthaṃ samārambharupo dvitīyaḥ | tatra samārabdhena utthānena tadanukūlena karmaṇā ca aihikaṃ phalamāpnuyāt | vidhinā śāstreṇa karmaṇā ca tadanusāriṇā svargamārgamavāpnuyāt | daivādhīno bhogaḥ, karmādhīnaḥ sañcaya iti niṣkarṣaḥ | kṛṣyādāvapi daivapratīkṣaṇaṃ kāpuruṣakarma secanādināpi phalasyotpādayituṃ śakyatvāditi bhāvaḥ ||

Previous: 13.6.48
Next: 13.7.1
Up: 13.6

Linked texts (1)

Mahābhārata — Vyāsa, Sanskrit