The Great Epic of the Bhārata dynasty 2.5.22

Bhāratabhāvadīpa 2.5.22

Language: Sanskrit

2.5.22

etadevāha kaścidātmānamiti | ātmānaṃ prabalaṃ parān durbalānparīkṣya sevase rājyaṃ tathā viparīte jayamūlasya kośasya vṛddhaye sandhāya paraiḥ saha sāma kṛtvā'ṣṭau karmāṇi | 'kṛṣirvaṇikpatho durgaṃ setuḥ kuñjarabandhanam | khanyākarakarādānaṃ śūnyānāṃ ca niveśanam aṣṭau sandhānakarmāṇi prayuktāni manīṣibhiḥ' iti śāstroktāni sevase | kuñjarabandhanaṃ vahubhakṣakatvātteṣāṃ yathāvibhāgaṃ grāmīṇadhanaireva grāme grāme poṣaṇārthaṃ bandhanam | khanīratnādyutpattisthānam ākaraḥ suvarṇādyutpattisthānamitibhedaḥ | khananamātreṇa dhamanadinā'bhimukhīkaraṇena ca tayostallābhahetutvāt ||

Previous: 2.5.21
Next: 2.5.23
Up: 2.5

Linked texts (1)

Mahābhārata — Vyāsa, Sanskrit