The Great Epic of the Bhārata dynasty 2.5.24

Bhāratabhāvadīpa 2.5.24

Language: Sanskrit

2.5.24

durgādhyakṣādīnāṃ lomato viparītakāryakāritvena nāśahetutvaṃ prasiddham | amātyasuhṛdostu lobhena kathaṃ nāśahetutvamityāśaṅkya mantrabhedenetyāha | kaccinnetyādinā | apariśaṅkitāḥ yeṣu dauṣṭyaśaṅkā nāsti taiḥ kṛtakaiḥ kṛtrimaiḥ suhṛdbhūtairdūtaiḥ ubhayavetanaiḥ tava mantritaṃ mantraḥ na bhidyate prakāśyate kaścit | takairdūtairveti pāṭhe samyagapi mantritaṃ kuyuktibhirna viplāvyata ityarthaḥ | tvatto vā kṛtakamitraṃ prati kathayataḥ amātyairvā kṛtakaiḥ mantritaṃ bhidyata iti sarvatra sambandhanīyam ||

Previous: 2.5.23
Next: 2.5.25
Up: 2.5

Linked texts (1)

Mahābhārata — Vyāsa, Sanskrit