The Great Epic of the Bhārata dynasty 3.2.29

Bhāratabhāvadīpa 3.2.29

Language: Sanskrit

3.2.29

bhāvaḥ bhāvanā saṅkalpasañjñā anurāgaḥ paścādbhāvinī prītiḥ | ayaṃ bhāvaḥ | duḥkhajanmapravṛttidoṣamithyājñānānāmuttarottarāpāye tadanantarāpāyādapavargaḥ doṣanimittaṃ rūpādayo viṣayāḥ saṅkalpakṛtāḥ iti nyāyasūtrābhyām ajñānātsaṅkalpastato viṣayaratatastatra prītistatastallābhāya pravṛttistato janma tataḥ sukhaduḥkhe tato rāgadveṣavāsanā tataḥ punaḥ saṅkalpa iti kramaḥ tatra mūlabhūto rāgaḥ snehaśabdenoktaḥ sa bhāvasya hetuḥ | tato viṣayasiddhyuttaraṃ jāyamāno rāgo'nurāga iti | tatra bhāvānurāgayormadhye pūrvo bhāvaḥ atyantamaśreyaskaraḥ tasmātsaṅkalpatyāga eva mukhyaṃ sādhanaṃ tathā ca vakṣyati | 'yatkiñcidapi saṅkalpya naro duḥkhe nimajjati | na kiñcidapi saṅkalpya sukhamakṣayyamaśnute' iti ||

Previous: 3.2.28
Next: 3.2.30
Up: 3.2

Linked texts (1)

Mahābhārata — Vyāsa, Sanskrit