The Great Epic of the Bhārata dynasty 5.28.5

Bhāratabhāvadīpa 5.28.5

Language: Sanskrit

5.28.5

avināśamiti | yat yasmāddhetoḥ vidhātrā avināśo vṛtyantaropajīvanena brāhmaṇyasya nāśo vināśastadabhāvamicchatāṃ brāhmaṇānāmāpaduttīrṇānāṃ prāyaścittaṃ vihitaṃ tasmāddhetorāpadi anyasyānyadharmāśrayaṇaṃ prasaktameveti jñāyate | ata eva ekacakrāyāmasmābhiḥ kṛtaṃ bhikṣāṭanaṃ nānucitamityarthaḥ | evamanāpadi karmasu vartamānān āpadi ca vikarmasthān sampaśyethāḥ samyagevedamiti paśyethāḥ | anyathā tu āpadi karmasthān ātmaparahiṃsrān anāpadi vikarmasthāṃścātilubdhān vigarhayestvam ||

Previous: 5.28.4
Next: 5.28.6
Up: 5.28

Linked texts (1)

Mahābhārata — Vyāsa, Sanskrit